影片
更多
2017-10-16
106 浏览
今日兩個人去食尖沙咀《樂園》開飯，因為我好懷念杯特飲「我愛金莎🍹」。當然一坐低就要叫我最鍾意嘅特飲「我愛金莎」，杯嘢飲見啲沙冰都係深啡色，已經知道杯特飲非常香濃，再配以一粒粒彩色豆一齊飲，更有口感。每一台枱面擺放一樽糖，比客人隨便攞，就算好肚餓嘅話，都可以食一粒糖頂住先。如果帶小朋友去食，我諗佢哋會仲開心。餐廳除咗食嘢之外，仲有好多益智遊戲，包括啤牌、棋類等等嘅遊戲可以比客人成班朋友一齊玩，我哋已經急不及待攞咗副「大富翁」一齊玩。玩玩下時間過得好快，轉個頭食物就來了。餐廳為慶祝五周年推出名為「廚師發板」美食，當中包括九款唔同種類嘅食物，食物分佈晒係白板上面，望落去色彩繽紛，而且味道非常香，而且餐廳職員仲溫馨提示我哋要食咗熟食先，確保新鮮美味。「香煎加拿大特大虎蝦」果然符合其名，大大隻煎得好香，咬落去非常爽口。「戀之花煙三文魚」賣相好似一朵花咁，點少少豉油同Wasabi一齊食，已經好滋味。另外其他款式嘅食物都好新鮮，醬汁配料一齊食，好Match。意粉方面，「卡邦尼意粉」味道好濃郁，再配以煙肉片同埋香草等等嘅配料，食落去更為滋味。牛魔王嘅我哋當然唔少得叫返個「安格斯肉眼扒」，切落去牛扒中間
當然一坐低就要叫我最鍾意嘅特飲「我愛金莎」，杯嘢飲見啲沙冰都係深啡色，已經知道杯特飲非常香濃，再配以一粒粒彩色豆一齊飲，更有口感。
每一台枱面擺放一樽糖，比客人隨便攞，就算好肚餓嘅話，都可以食一粒糖頂住先。如果帶小朋友去食，我諗佢哋會仲開心。
餐廳除咗食嘢之外，仲有好多益智遊戲，包括啤牌、棋類等等嘅遊戲可以比客人成班朋友一齊玩，我哋已經急不及待攞咗副「大富翁」一齊玩。
玩玩下時間過得好快，轉個頭食物就來了。餐廳為慶祝五周年推出名為「廚師發板」美食，當中包括九款唔同種類嘅食物，食物分佈晒係白板上面，望落去色彩繽紛，而且味道非常香，而且餐廳職員仲溫馨提示我哋要食咗熟食先，確保新鮮美味。「香煎加拿大特大虎蝦」果然符合其名，大大隻煎得好香，咬落去非常爽口。
「戀之花煙三文魚」賣相好似一朵花咁，點少少豉油同Wasabi一齊食，已經好滋味。
另外其他款式嘅食物都好新鮮，醬汁配料一齊食，好Match。
意粉方面，「卡邦尼意粉」味道好濃郁，再配以煙肉片同埋香草等等嘅配料，食落去更為滋味。
牛魔王嘅我哋當然唔少得叫返個「安格斯肉眼扒」，切落去牛扒中間位置呈現粉紅色，半生熟，食落去爽口唔會太煙靭，好香口。
最後埋單都只係＄800左右，食物有水準，而且餐廳多配套，既有貓咪玩，又坐得舒服，會再介紹多啲朋友來食。
张贴
