小火焰韓式咖啡廳 (金山樓) (已結業)

今日同男朋友去咗大圍行山 行之前於是就喺大圍食餐好啦 經過呢間小火焰韓式咖啡廳非常多人排隊 於是就入去食下 餐廳位置都幾多 有唔少嘅卡位坐得夠曬舒服 不過枱與枱距離略嫌有啲擠迫蜂蜜提子脆米炸雞半份兩個人食啱啱好 外面炸得脆卜卜上面仲加咗蜂蜜同脆米令口感更加豐富 入面係嫩滑嘅雞肉 仲有好多雞汁流出嚟板燒烤肉combo 一次過試到兩種唔同口感嘅牛肉 特選美國牛小排 較為肥美做到入口即溶嘅效果 牛板腱 牛肉味相對濃郁 同時有口感芒果布朗尼3.6牛乳雪花冰 上面有滿滿嘅芒果醬仲有芒果雪糕 非常香甜 朱古力布朗尼口感紮實有濃濃嘅朱古力香氣0下面嘅雪花冰充滿奶香非常幼滑 入口即溶