影片
更多
2023-01-01
214 浏览
💁♀️💁♂️29/12/2022(Thur), Dinner🍽今次去到碧海藍天既AEON地下，見到呢間泰國菜餐廳唔錯咁，加上又見佢有堂食8折優惠😍，咁抵食？！一於喺度解決今晚既晚餐啦。而今晚我地order左：🔆 豬肉碎生菜包（配辣椒花及豬皮）（$88）豬肉碎帶著好香既魚露味道，配合乾葱、紅葱頭等既香料，炒出嚟辣辣地咁十分惹味。生菜🥬份量都唔少，仲要係有修剪過，上枱時擺得好整齊，外表新鮮青翠欲滴而咬落爽口，夾住肉碎食係個好好既配搭。鋪上肉碎面既炸豬皮炸得香脆，加埋落生菜包度一齊食除咗豐富咗生菜包既口感，仲令生菜包食落更香口。🔆 生蝦🦐刺身（$90）為食妙妙每次食泰國菜都必叫既生蝦🦐刺身，今晚當然都唔例外。爽彈既蝦肉，配合酸酸辣辣既生蝦醬汁，隱約仲帶點椰糖既甜味，食落十分開胃。一碟都真係唔夠喉，好想可以嚟多一碟，但始終都要留肚食生菜包同咖喱黃金麵。🔆 泰北咖喱牛腩黃金麵（$88）咖喱湯底味道香而不辣，即使就咁飲都唔會覺得嗆喉。牛腩煮得夠淋夠入味，仲帶有少少筋膜，口感十分不錯。黃金麵食落彈牙帶有蛋香，混和咖喱湯一同入口，惹味好食。炸豬皮吸收了咖喱湯之後，帶點煙韌既口感令人食不停口。🔆 青檸梳
💁♀️💁♂️29/12/2022(Thur), Dinner🍽
今次去到碧海藍天既AEON地下，見到呢間泰國菜餐廳唔錯咁，加上又見佢有堂食8折優惠😍，咁抵食？！一於喺度解決今晚既晚餐啦。而今晚我地order左：
🔆 豬肉碎生菜包（配辣椒花及豬皮）（$88）豬肉碎帶著好香既魚露味道，配合乾葱、紅葱頭等既香料，炒出嚟辣辣地咁十分惹味。生菜🥬份量都唔少，仲要係有修剪過，上枱時擺得好整齊，外表新鮮青翠欲滴而咬落爽口，夾住肉碎食係個好好既配搭。鋪上肉碎面既炸豬皮炸得香脆，加埋落生菜包度一齊食除咗豐富咗生菜包既口感，仲令生菜包食落更香口。
🔆 生蝦🦐刺身（$90）為食妙妙每次食泰國菜都必叫既生蝦🦐刺身，今晚當然都唔例外。爽彈既蝦肉，配合酸酸辣辣既生蝦醬汁，隱約仲帶點椰糖既甜味，食落十分開胃。一碟都真係唔夠喉，好想可以嚟多一碟，但始終都要留肚食生菜包同咖喱黃金麵。
🔆 泰北咖喱牛腩黃金麵（$88）咖喱湯底味道香而不辣，即使就咁飲都唔會覺得嗆喉。牛腩煮得夠淋夠入味，仲帶有少少筋膜，口感十分不錯。黃金麵食落彈牙帶有蛋香，混和咖喱湯一同入口，惹味好食。炸豬皮吸收了咖喱湯之後，帶點煙韌既口感令人食不停口。
🔆 青檸梳打（$32）店方既青檸梳打係用新鮮青檸製作，而唔係用現成糖漿開出嚟，所以飲落特別清新，酸得來唔會嗆喉，仲會飲到青檸肉碎，值得一試。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 除咗青檸梳打，店內既醬汁都係店方自製，味道同出面食到既唔同，誠意十足。
🔆🔆🔆🔆🔆🔆🔆🔆🔆🔆🔆🔆🔆
张贴
