✨餐廳環境幾舒服，2個人仲可以半價㨂指定點心一款。
✨蝦仁燒賣皇（$49)： 真係勁大粒，入面勁多蝦好足料，而且食落非常彈口，最重要係半價。
✨懷舊馬拉糕（$36)：質地好鬆軟，甜度啱啱好，食完真係勁飽肚。
✨紅燒乳鴿（$78): 係呢度嘅招牌菜，有埋手套濕紙巾好貼心。乳鴿新鮮熱辣辣，啖啖肉仲好juicy~~食落肥肥地帶油香，外皮仲有少少脆好好味。
✨黃金蝦炒飯（$128): 顏色好金黃原來係有咸蛋黃😍而且仲唔少添。個飯炒得好乾身粒粒分明，而且食到咸蛋黃既香味。材料好簡單，只有蝦同埋菜芯，不過味道清清地幾好味，蝦肉仲勁爽👍🏻
✨蜂蜜黑糖糕（$28): 呢個有驚喜💋，食落煙煙韌韌，入面好似蜜巢咁既形狀，質感好特別。好鍾意佢有黑糖味但又唔會好甜，幾過癮。
✨飯後仲有糖水送，係芋頭西米露～～椰汁味好香，芋頭夠腍，不過質地就比較杰，劃上完美既句號🤣飽到上心口。
✨呢度環境唔錯，啱晒傾計慢慢坐，服務仲非常周到👍🏻下次帶屋企人黎再食過先
