榮耀包點 (已結業)

前日同啊媽行街，見到谷亭街新開咗間買點心同兩餸飯嘅新店，好多街坊買就試下。佢嘅點心好抵食，叫咗蝦餃同鵪鶉蛋燒賣，蝦餃啱啱蒸好，皮薄饀靚，鵪鶉蛋燒賣好似拳頭咁大🤣 最好食係雞札，大大舊好足料👍🏻 入面有雞髀肉、厚火腿、芋頭同豬皮，必食😋另外啊媽買咗 $26八件小食，有煎釀三寶、韮菜餃。佢仲有春卷、蘿蔔糕、芋頭糕、咸水角等等。韮菜餃好好食，差唔多等如平時嘅兩隻。仲有原隻蝦仁，足料。見好多人買兩餸飯，下次經過再試下。