稻八日式火鍋炸物放題 (已結業)

亞仔開始長高既情況下，梗係要食多d放題/自助餐啦～上到黎，呢間鋪好大，坐位多又闊落，幾好!店員見我地拖住個小朋友，安排卡位，幾貼心牆上既日系畫風幾好feel，亞仔話鐘意貓貓，哈哈哈哈通道闊落，就算人多都唔會撞黎撞去，幾好日本黑毛和牛盛合，靚到不得了，我地去左日本?! 3款都超級好食，入口溶化，陣牛味好香，好食到唔識講，亞仔直頭追住要~ 其實仲有M6澳洲和牛質素都好高，講真澳牛味重過日牛，但個種溶化同油香完全比下去，點解得一盒咁少架~刺身新鮮，甜蝦好食夠鮮甜，希靈魚脆卜卜好好食可以自己炸天婦羅，好多款揀，亞仔未夠高自己炸，食我整既一樣咁開心，因為有佢最鐘意食既秋葵，食完又炸，攪到亞媽我好忙~海鮮盛合，青口好食唔硬，蝦都算大隻新鮮，帶子厚肉都唔錯。出面有好多野食攞，正常放題有既都有，菜類新鮮，野飲任飲，甜品有雪米磁，果然高質素放題，非常回味，一定會再返黎吃到飽。