金鶴拉麵 (澳門逸園中心) (已結業)

呢間拉麵店已經食過好多次，銅鑼灣呢間分店係樓上舖，自然人流少啲，環境都靜少少。今次唔食佢哋嘅雞白湯，叫咗個北海道極濃蟹湯拉麵同埋蒲燒活鰻魚飯。午市有套餐叫，有包小食同埋汽水。佢哋仲有串燒可以叫添蒲燒活鰻魚飯兩年前係佐敦已經食過，評價相當之高。鰻魚肉厚有彈性，油脂極重，即叫即燒，保證新鮮。上枱時仲熱辣辣。想濃味啲可以再加鰻魚汁同食。🦀北海道花咲蟹濃厚拉麵用咗北海道花咲蟹煮湯，湯底鮮甜唔油膩，湯有打泡令佢更加順滑。有蟹肉碎混埋係麵一齊食豐富口感。配料有半隻蛋、一塊大叉燒、紫菜、荀。