安利魚蛋粉麵

营业中

休息中

講到週末最常去嘅餐廳，安利必定係其中之一，雖然每次嚟到都好多人等位，門口外面又近馬路又迫，但係美味嘅食物依然可以令人甘心情願排隊等位。撈粗附上嘅嗰碗湯，多葱，清甜。👉🏻肥腩撈粗 : 粗麵已撈好，每條粗麵上色均勻，夠味又唔咸，肥腩有咬口，同時有油脂味嘅甘香😋👉🏻片頭河 : 魚片爽口彈牙，食落鮮味，冇碎骨👍🏻河粉爽滑，湯底清甜。👉🏻鮮油奶多多士熱辣辣，軟綿綿，入面牛油軟滑冰凍，內冷外熱，非常滋味！👉🏻茶走安利嘅熱奶茶的確無得頂！茶底香濃唔澀，茶走用煉奶代替砂糖，令奶茶更順滑😋👉🏻可樂好多人話玻璃樽可樂特別好味，雖然講唔出原因，但我非常認同😂