影片
更多
2016-06-28
1385 浏览
久唔久就身痕想食日本野，今日黎到美食集中地 -- 清風街，試試呢間悅鮨，入到去，已經見到兩位師傅辛勤工作，由此推測，刺身同壽司應該唔錯，就叫黎試下。黎到真係嘩一聲，個presentation實在太靚！而家逐樣介紹番先。(由上至下)深海池魚、中拖羅、池魚他他。深海池魚鮮味爽口，口感極佳；中拖羅一咬即溶；池魚他他味道都幾濃，配酸汁將會係不錯既選擇。(由上至下)白蝦壽司、吞拿魚壽司、北海道馬糞海膽壽司。白蝦壽司係用好多細蝦組成，軟腍有鮮味；吞拿魚壽司油分適中，口感軟嫰；北海道馬糞海膽壽司味道濃郁鮮甜，非常好，必食。炸蟹仔外殼香脆，入面有羔，用黎送酒一流。松露醬油燒帶子刺身，帶子厚身+新鮮，配黑松露香味更突出；用紫菜包住食，多一重香脆口感，正！生粟米，清甜無渣，有D似食生馬蹄，非常驚喜！青檸啫喱，清香帶酸味，用黎清味蕾最啱。由師傅自己醃既紫薑，酸度剛好，非常細嫰，係另一驚喜。食完一輪刺身同壽司，係時候食熱葷。呢條「喜知次一夜干」，係將喜知次醃製後風乾一晚再燒，少少乾身，味道帶鹹，外皮煎得香脆，果然係日本人既至愛！餐廳有提供套餐，三道菜$380，五道菜$550。我地揀左三道菜，除左剛才介紹過既「
久唔久就身痕想食日本野，今日黎到美食集中地 -- 清風街，試試呢間悅鮨，入到去，已經見到兩位師傅辛勤工作，由此推測，刺身同壽司應該唔錯，就叫黎試下。
黎到真係嘩一聲，個presentation實在太靚！而家逐樣介紹番先。
(由上至下)深海池魚、中拖羅、池魚他他。深海池魚鮮味爽口，口感極佳；中拖羅一咬即溶；池魚他他味道都幾濃，配酸汁將會係不錯既選擇。
(由上至下)白蝦壽司、吞拿魚壽司、北海道馬糞海膽壽司。白蝦壽司係用好多細蝦組成，軟腍有鮮味；吞拿魚壽司油分適中，口感軟嫰；北海道馬糞海膽壽司味道濃郁鮮甜，非常好，必食。
炸蟹仔外殼香脆，入面有羔，用黎送酒一流。
松露醬油燒帶子刺身，帶子厚身+新鮮，配黑松露香味更突出；用紫菜包住食，多一重香脆口感，正！
生粟米，清甜無渣，有D似食生馬蹄，非常驚喜！
青檸啫喱，清香帶酸味，用黎清味蕾最啱。
由師傅自己醃既紫薑，酸度剛好，非常細嫰，係另一驚喜。
食完一輪刺身同壽司，係時候食熱葷。呢條「喜知次一夜干」，係將喜知次醃製後風乾一晚再燒，少少乾身，味道帶鹹，外皮煎得香脆，果然係日本人既至愛！
餐廳有提供套餐，三道菜$380，五道菜$550。我地揀左三道菜，除左剛才介紹過既「松露醬油燒帶子刺身」，仲有「汁燒黑豚架」同「鮮蟹粥鍋」。黑豚架肉質細嫰，而且調味上佳，值得推薦。
蟹粥用火鍋上，熱辣辣，材料豐富：用毛蟹肉、蟹膏、菜絲、冬菇、雞蛋等熬製，清淡得黎帶點鮮甜，唔鍾意濃味既朋友就最啱。张贴
