奇納百川 (已結業)

海港城消費有優惠，同事約我放工一齊去行下，行咗大半天，係時候食晚餐，我哋去咗海運大廈LVX搵餐廳食，有間奇納百川門口有多人在等位，餐廳是一間新派韓式料理，裝潢設計都很時尚，行到最最入面，近窗座位重可以睇到維多利亞港，景色優美！蒜香蜜糖炸雞，雞已去骨，炸至外層脆口，雞肉非常鮮嫩，一點也不會鞋口。點些另上的蒜蓉蜜糖醬，蒜香味濃郁，味道甜甜好惹味！三文魚子海膽忌廉醬烏冬，用海膽加忌廉做成醬汁鮮味無窮，烏冬爽滑彈牙，海膽忌廉醬汁超滑而不膩，加上鮮味的三文魚子，每一啖都香滑無窮，鮮味十足。香芒白桃乳酪：芒果味香甜，乳酪口感幼滑，甜度啱啱好！