沙縣小吃 (已結業)

呢間隱蔽食店唔講出黎，其實唔會有人發現😂主要其實都係做街坊嘅生意為主！好彩有朋友喺附近住，極力推介呢間食店，果然一試難忘😍咁我非常特別推介佢任何酸辣或者麻辣嘅小食，因為佢嘅秘製醬汁真係非常獨特非常入味，酸辣口味非常開胃，今次我點左金菇同埋土豆絲，好食到停唔到口！仲有非常推介佢嘅蒸餃子，皮薄涵靚，加上佢嘅秘製醬汁配起上嚟非常配搭，口感亦都非常juicy🤤另外，都點左一本豬腳薯粉，豬腳既外皮又脆又香口，每間薯粉口感程度不一，呢間確實係我至愛嘅口感❤️沙縣小吃性價比超高！