家素素食私房菜 (已結業)

本身諗住幫襯對面嗰間小菜，但係已經冇做囉。見到對面有呢一間餐廳雖然係以素菜為主，但係入到去都有唔少人幫襯，特別係女士，我深信對女士來講食素對維持健康美麗係有一定的幫助。今日嘅午餐有三個，我就揀咗第三嘅醬爆鮮菇飯，但係甘啱冇晒。所以佢就轉左醬爆素雞比我。估唔到素雞嗰種口感同真正嘅雞肉來講係十分之相似。而我覺得最正嘅係佢嗰種醬爆嘅味道，炒得非常之有火候，味濃，我可以講話係比醬爆嘅回鍋肉仲好食，而且拒唔會有油，係較乾身的質料。仲有一個要提就係佢呢一度嘅老火湯，係任飲嘅。任飲係一個重要嘅噱頭，但仲有另外一個噱頭就係湯完全唔會用肉，純粹係用菜，但係佢竟然可以煲到湯嘅味道非常之夠，而且仲有好甜，係令我覺得好正！