十兄弟車仔麵 (已結業)

柱侯牛四寶有齊五香金錢肚、濃汁牛丸、牛坑腩同牛孖筋😍五香金錢肚彈牙而且有咬勁。濃汁牛丸來自振興，難怪爽口得嚟充滿肉汁💦牛坑腩完全唔乾嚡，柱侯汁入晒味之餘又唔會流失其肉味。牛孖筋入口即溶，我諗就連老人家都食到！友人點嘅嗱喳麵就有醬爆瀨尿牛丸、香辣豬紅、蘿蔔、鮑汁魚肚同香辣魷魚😍個瀨尿牛丸超正，堅係醬爆‼️啲汁差啲射到對面🤣🤣鮑汁魚肚超入味又有咬口～由於個麵太出色，我哋仲嗌多幾款小食😋香辣玻璃魷魚爽口彈牙，個辣汁好香🤤炸雲吞唔會太油膩，口感酥脆。蝦肉夠大粒，肉質鮮美嫩滑～雞中翼濕潤入味，食到唔夠喉想encore！只可惜當時已經飽到上心口🙈