喜記蟹將軍

营业中

休息中

喜記尖沙咀旗艦店🦀​作為香港屹立六十載嘅老字號，喜記尖沙咀旗艦店一直係食家們嘅「尋味寶藏地」！門口嘅名人牆超有排面📸 店內充滿地道港味氛圍，熱鬧又溫馨，一入去就感受到濃濃嘅煙火氣。​必試招牌避風塘炒辣蟹，同坊間做法大不同！竟然完全唔用麵包糠，取而代之嘅係鋪天蓋地嘅金蒜🧄 蟹身被炸至金黃酥脆，一撥開外殼，雪白蟹肉鮮甜彈牙，蒜香與香辣完美融合，每一口都充滿層次感，令人欲罷不能！​鮑魚雞煲一端上枱，香氣瞬間彌漫全場！雞肉吸飽濃郁醬汁，嫩滑入味，而鮑魚軟糯Q彈，嚼落充滿膠質。醬汁濃稠，用嚟撈飯簡直一流！​椒鹽鮮魷嘅賣相已經令人留嗮口水🤤 外層炸得金黃酥脆，入口外身酥脆，鮮魷肉質爽嫩彈牙，鹹香適中，配上特製嘅椒鹽粉，鹹香交織！​夠嗮香口~最後壓軸嘅蟹油炒麵，堪稱靈魂之作！麵條均勻掛滿蟹香，乾身又充滿鑊氣，每一口都帶住濃濃蟹的鮮香，加上蔥花、芽菜和韭黃點綴，簡單食材卻碰撞出美味！​店員推薦用避風塘金蒜撈埋一齊食~別有一番風味喜記用實力證明咗老字號嘅底蘊，每道菜都充滿匠心，絕對值得再三光顧！