影片
更多
2023-05-19
125 浏览
好耐都無嚟炯記啦！今日同屋企人嚟開北角，佢地即刻話要食炯記！二人套餐 仍然係 $198 無加價，好抵食！「 二人套餐$198 」包咗好多野 份量又多，2人餐真係三個人都好夠食！ 《 鹽焗手撕雞（半隻）》成碟好多，雞肉好嫩滑，鹽焗味剛好好惹味～《 冬菇醬皇豬手（例牌）》4大件入晒味嘅豬手同冬菇，豬皮彈牙，肉又軟腍～《 鹽焗雞腎及酸辣雲耳 》雲耳嘅蒜香爽口好開胃 ； 鹽焗雞腎口感好爽脆～《 生菜一碟 》都幾大碟～《 兩碗太子鵝油撈麵 》唔講唔知，原來鵝油所含嘅係不飽和脂肪，比豬油、鴨油健康得多！每個麵都落足一湯匙鵝油，再加甜豉油撈勻成個麵，成個麵油色好靚，香味泗溢，加埋粗麵爽彈，真係必食！附送兩杯飲品：一杯鹹檸七 （單點$20）一杯凍檸樂 （單點$20）最後仲散嗌咗《 脆皮燒腩仔 例牌$68 》～皮脆肉嫩，肉仲有啲微咸幾惹味，蘸埋黃芥末好讚～堂食嘅人唔多，主要做外賣，期間真係好多人嚟拎下賣，店員都幾忙！下次我都嗌外賣返屋企慢慢嘆先！
好耐都無嚟炯記啦！今日同屋企人嚟開北角，佢地即刻話要食炯記！
二人套餐 仍然係 $198 無加價，好抵食！
「 二人套餐$198 」包咗好多野 份量又多，2人餐真係三個人都好夠食！
《 鹽焗手撕雞（半隻）》
成碟好多，雞肉好嫩滑，鹽焗味剛好好惹味～
《 冬菇醬皇豬手（例牌）》
4大件入晒味嘅豬手同冬菇，豬皮彈牙，肉又軟腍～
《 鹽焗雞腎及酸辣雲耳 》
雲耳嘅蒜香爽口好開胃 ； 鹽焗雞腎口感好爽脆～
《 生菜一碟 》都幾大碟～
《 兩碗太子鵝油撈麵 》
唔講唔知，原來鵝油所含嘅係不飽和脂肪，比豬油、鴨油健康得多！每個麵都落足一湯匙鵝油，再加甜豉油撈勻成個麵，成個麵油色好靚，香味泗溢，加埋粗麵爽彈，真係必食！
附送兩杯飲品：
一杯鹹檸七 （單點$20）
一杯凍檸樂 （單點$20）
最後仲散嗌咗《 脆皮燒腩仔 例牌$68 》～
皮脆肉嫩，肉仲有啲微咸幾惹味，蘸埋黃芥末好讚～
堂食嘅人唔多，主要做外賣，期間真係好多人嚟拎下賣，店員都幾忙！
下次我都嗌外賣返屋企慢慢嘆先！
张贴
