DAMA (已結業)

行街經過聞到好香榴槤味，作為榴槤控又點會錯過！裝修型格時尚，仲有一幅打卡嘅花草牆，打破傳統素食比人單調樸素嘅感覺。每日有4款雪糕口味同2款全素餅乾筒，雪糕係純素不含蛋奶素，生果比例有成80%，而且無添加色素，適合乳糖不耐症嘅人食用。貓山王榴槤 ($68)入口榴槤味香濃自然，同食緊榴槤完全無分別。雖然雪糕無用奶，但質感仍然好滑溜，而且唔會好甜，感覺好清新！甘筍腰果合掌瓜素湯 ($38)湯夠熱，而且仲好足料！雖然無肉，但味道都好濃，入口鮮甜清香。