牛舞日本燒肉‧涮涮鍋放題 (1亞太中心) (已結業)

冬天最鍾意食火鍋同埋燒肉，今次就去左觀塘既【牛舞】、主打燒肉火鍋一齊黎、滿足曬兩個願望。晚餐有3個set可選擇，而臨近新年梗係要食好D，所以就叫左最貴既薩摩牛任食套餐。火鍋湯底有3款可以選擇，冬天梗係食麻辣。一上黎會有一個牛肉拼盤，試曬鍾意食先再點。薩摩牛雪花超級靚、入口即化、牛味油脂味well balanced。個人最鍾意牛薄切、牛赤肉、牛肋肉同牛肋條。牛薄切脂肪最少，牛味最重。牛赤肉同牛肋肉脂肪比例多，超級軟霖。而牛肋條都係脂肪比較少、但又偏霖。有得選擇4款調味，個人覺得簡單既椒鹽最好食同食得出牛肉原本既味道。火鍋料除左肉類、其他食材就係比較basic既選擇。麻辣湯底基本上唔辣，如果好好辣、可能會有D失望，或者可以試其他湯底。火鍋的話美國極上牛板腱個人最推薦、因爲基本上都係瘦肉、唔會食到成口油。另外最推係一口小番薯，甜甜鹹鹹好解膩！宜家只要like 社交平台post仲有燒蠔任食，非常鮮甜！雪糕、甜品都有好多選擇，最推薦係日本雪條同糯米糍。