影片
更多
2021-09-08
100 浏览
上網見到呢間小店有好多好評，今日咁啱經過尖沙咀，加上一向都好鍾意食腸粉，所以就嚟試吓。呢度嘅款式都相當之多，最後選擇左雞蛋肉碎腸同胡麻手撕雞撈石磨粉。全部都係即點即做嘅，返到屋企仲熱辣辣，肉碎腸入面係好似平時我哋食嘅山竹牛肉頭，好多料，加咗豉油同埋辣椒油，食落去別有一番風味，加上份量好多，其實一個人的話點一道菜已經好夠了。胡麻手撕雞撈石磨粉10分出色，石磨粉完全吸收晒胡麻醬，手撕雞嫩滑，配上大量蔥花，成件事係好夾，石磨粉係超級超級滑同埋薄，每一啖食落去都覺得好香，真係食到停唔到口！另外加配黑豆漿，豆漿味道唔算好濃郁，但係有好香嘅豆味，唔會過甜，我估計應該係自家製的。瑞士雞中翼好大隻，好入味，而且雞肉完全唔乾，食落去好Juicy！呢間小店真係好有驚喜，而且性價比好高，下次會想試佢嘅麻辣手撕雞石磨粉，我相信都應該好好食😍😍😍😍
呢度嘅款式都相當之多，最後選擇左雞蛋肉碎腸同胡麻手撕雞撈石磨粉。
全部都係即點即做嘅，返到屋企仲熱辣辣，肉碎腸入面係好似平時我哋食嘅山竹牛肉頭，好多料，加咗豉油同埋辣椒油，食落去別有一番風味，加上份量好多，其實一個人的話點一道菜已經好夠了。
胡麻手撕雞撈石磨粉10分出色，石磨粉完全吸收晒胡麻醬，手撕雞嫩滑，配上大量蔥花，成件事係好夾，石磨粉係超級超級滑同埋薄，每一啖食落去都覺得好香，真係食到停唔到口！
另外加配黑豆漿，豆漿味道唔算好濃郁，但係有好香嘅豆味，唔會過甜，我估計應該係自家製的。
瑞士雞中翼好大隻，好入味，而且雞肉完全唔乾，食落去好Juicy！
呢間小店真係好有驚喜，而且性價比好高，下次會想試佢嘅麻辣手撕雞石磨粉，我相信都應該好好食😍😍😍😍
张贴
