呢間以全黑型格作主題嘅神秘cafe，最近靜雞雞推出咗一堆全新菜式！✨連人氣急升嘅QQ捲捲意大利麵都喺menu度見到，趁熱潮嘅尾巴去試下啦～😙 另外餐廳新推出嘅cocktail系列都好吸引🍸，今次真係可以食住飯、嘆杯酒，一次過滿足兩個願望！
🐥自家製忌廉磨菇捲捲意粉配口水雞扒 $142
雞扒份量十足，肉既厚度足，肉質嫩滑juicy，配上麻辣口水汁好醒胃，麻香惹味，但辣度溫和～捲捲意粉口感煙韌彈牙，掛滿濃郁忌廉蘑菇醬，中西合璧既配搭新奇又過癮！
🍔手打牛肉及原隻大蘑菇漢堡配薯條 $139
黑色竹炭漢堡貫徹型格主題，包身微烘帶脆！餡料絕對重量級，尺寸堪比手掌🖐️！厚切牛肉 juicy 爆汁，肉汁豐盈絕對唔誇張；大啡菇水潤多汁，搭配其他配料層次十足✨建議同朋友share，半個已經好有飽足感～ 😝
🐤水牛城雞翼配薯條（8隻）$108
水牛城雞翼辣得過癮🌶️🔥，外層香脆，肉質依然嫩滑，酸辣醬汁非常開胃！薯條即叫即炸，金黃酥脆，配埋雞翼一啖辣一啖香，停唔到口！建議加杯凍飲 balance 返～😝
🥓自家製邪惡芝士醬日式梳乎里班戟配煙肉 $108
呢款甜品確實大膽創新！🧀 自家製芝士醬鹹香濃郁，配埋脆口煙肉同空氣感十足嘅梳乎里班戟，鹹甜交織嘅感覺好新奇🤣第一次試鹹味甜品，味道比想像中融合，但個人始終更偏愛返傳統甜系班戟多啲🤪～
🍸青梅竹馬 Childhood Sweetheart 跟餐+$70
有驚喜！杯邊沾滿爆炸糖，一啖飲落去，酸甜清爽嘅梅酒伴隨噼啪嘅爆炸糖，瞬間喚醒味蕾嘅童趣，好玩又過癮！
🥜花生鮮奶朱古力 $48
朱古力夠滑身，奶香十足，面頭灑滿脆口花生碎，飲落去有雙重口感，香甜又滿足，冬天飲真係治癒～
