東園餐廳小廚

营业中

休息中

復活節假期，難得天陰陰又涼爽，去了大欖行去雷公田再返去上村諗住搭車返屋企，見到有幾間餐廳，順路入去食個晚餐。青紅蘿蔔豬骨湯雖然叫例湯，但十分足料，味道清甜。紅酒燴牛尾牛尾炆至肉質鬆化，中間筋位帶點咬口，老闆話全部都用新鮮牛尾，所以完全無騷味，紅酒汁更是有肉鮮及蔬菜甜香，味道濃郁，送飯一流。西蘭花炒斑球斑球肉厚且無骨，每啖都厚肉，炒得都幾嫩滑。豉椒炒蟶子蟶子無沙且爽口，鮮味則一般，不過勝在豉椒味濃香，正好蓋過其不足之處，不過炒得好夠鑊氣。整返支大可樂補一補。