Gontran Cherrier (Bakery)

营业中

休息中

呢間法國過江龍真係名副其實嘅人氣店，嚟親都係排哂長龍，呢日好彩見到唔算好多人排，決心要試一次呢個法國人氣店嘅威力，排左大概10分鐘就可以入店選購麵包喇！— — — — — — — — — — — — — — — — — — — — 【經典牛角包】呢個一定要試，一咬落去好酥脆，內裡層次豐富，都有蜂巢型氣孔，每一啖都係香濃牛油味，好邪惡，但我超中意呢間嘅原味牛角包😍— — — — — — — — — — — — — — — — — — — — 【抹茶牛角包】其實就係原味牛角包上加左好多抹茶粉，同樣好酥脆，內裡有多層酥皮，雖然佢唔係有流心果種抹茶，但正因為咁唔會搶咗牛油嘅味道，食到抹茶味同時又有牛油嘅香。— — — — — — — — — — — — — — — — — — — 食完一次終於明白點解咁多人排隊！建議大家買完盡快食，放耐左就最好用焗爐翻熱一下。