DAMA (已結業)

記得上次黎呢個商場嘅時候，喺3樓已經聞到好大陣好香嘅榴槤味😍搵搵下就發現咗4樓呢間DAMA 純素雪糕🍦當時人龍實在太長我哋都趕住去食晚飯所以就無試到。今日就專登嚟拜訪一下，非常驚喜。原來呢度唔單止有純素雪糕食，仲有低糖配方嘅心太軟、亞洲風素菜捲，乳酪，水果茶，純素湯等......而我最欣賞亦都係佢哋最受歡迎既純素雪糕，呢度嘅雪糕無論係雪糕定雪糕筒都無牛奶同雞蛋成分，啱晒純素食者，蛋奶敏感及健康人士。紅肉火龍果味好香濃，顏色好鮮艷，原來有80%都係果肉，但係食落又唔似食雪芭咁冰感，係好清甜而又無奶味嘅雪糕。鍾意食榴槤嘅一定要試首創頂級貓山王雪糕，無論去到星加坡或者馬來西亞都食唔到呢一種咁香濃嘅貓山王雪糕，超級正！水果烏龍茶，水果清甜味+龍烏龍茶香味，清新解渴炸蕃薯條，外脆內軟，好香甜番薯味最後仲有抗疫湯水，呢一個都係純素湯，估唔到冇放肉煲出嚟嘅湯都咁甜。呢度所有食物我都好鍾意，而且價錢亦都唔貴，下次一定要再嚟試埋其他不得不讚，DAMA選用100%用膠樽循環再造餐具，為環保出一份力。