蠔王 (已結業)

見今日晴天就諗住去太埔食個靚午餐再去郊遊，見到呢間午餐都有生蠔食，就俾佢吸引左入去。首先上頭盤生蠔，跟餐（兩隻）+$59，非常鮮味，如果平時單點，肯定唔只30蚊一隻，所以係必食之選，難怪佢舖頭名都用生蠔做招牌。朋友加錢飲龍蝦湯，話好味，我自己飲跟餐嘅蔬菜湯，夠足料。要提下佢個餐包，有蜜糖味😋。另一個重點就係牛扒同豬扒，係用炭爐燒，好香炭燒味，仲要夠大份，無欺場，仲要唔刃。當然仲有餐飲，我哋叫左咖啡，唔使講都估到，小店用咖啡機，好飲。建議先訂位。