樂天皇朝 (將軍澳中心)

营业中

休息中

呢度嘅八色小籠包好出名，但係今次就想試吓其他嘢。〈京醬肉絲配薄餅〉🥓🫓呢款有啲似北京烤鴨咁，將啲肉放喺塊薄餅皮上邊，連埋啲京蔥包住佢嚟食，醬汁比北京烤鴨醬鹹少少，味道都非常唔錯，薄餅皮一共有6塊。〈原味小籠包〉🥟嚟到樂天皇朝又點可以唔食佢嘅小籠包呢，每一粒小籠包都將啲湯汁包得好好，一擺入口，就咇晒啲湯汁出嚟，食得好滿足。〈炸饅頭〉🍞🍞🍞食炸饅頭最緊要嘅就梗係點煉奶啦，呢度嘅煉奶比得好足，輕鬆可以每一啖食完都再點，邪惡得來又幾好味。〈宮廷驢打滾〉🫘🥧呢一款係必食甜品，口感係凍凍地，同豆沙窩餅好似入邊都係夾住紅豆蓉，但係呢款甜品嘅糯米好軟糯，就好似食緊好軟熟嘅糯米糍咁，仲有啲花生碎滿佈喺外面，食得好滋味。