你妳 (運通洋樓) (已結業)

今日同同事喺荃灣做嘢 做完就梗係嘆個午餐啦 經過呢間喺路德圍附近嘅你妳台灣餐廳 非常爆滿於是就即刻排隊入去食啦餐廳枱櫈都比較擠迫 不過美食當前冇所謂啦甜不辣配地瓜條 可以揀唔同嘅口味 甜不辣就揀咗椒鹽味 本身炸得夠脆入面仲煙煙靭靭 味道唔錯 地瓜條梗係要配甘梅粉啦 外面夠酸甜入面外脆內軟 仲非常厚切口感一流鹵水雞扒便當 滷肉飯 味道調教得啱啱好肥瘦適中唔會好漏 用嚟撈飯一流 鹵水雞扒唔太大嚿 略嚴乾身 最正係隻糖心蛋 又夠入味過蛋黃仲浪下浪下芋泥肉鬆吐司 吐司外脆內軟有微微嘅牛油香 芋蓉好creamy食得出係真材實料 加上肉鬆夠曬惹味 芝士肉鬆蛋餅 蛋皮值得一讚 夠曬鬆脆我覺得似手抓餅多啲 油香十足 芝士味濃郁仲有少少流心嘅效果 味道非常豐富