響日本燒肉 (已結業)

約左好友去銅鑼灣去食燒肉，《響日本燒肉 》超正，一個價錢，多個願望，又可以食燒肉又可以食刺身，超多嘢食，有成七十幾款！餐廳環境舒適，仲坐得好濶落，仲掛咗紅燈籠作裝飾！晚市任飲任食120分鐘燒肉放題， 佢有4 種價錢選擇，而我地就揀左《美國、澳洲和牛燒肉放題 ，包括有78 料理》，價錢$398。每位加$48，就可以upgrade 清酒啤酒任飲，超抵！ 首先嚟個刺身拼盤，包括有生蠔、三文魚、甜蝦&帶子等等。我特別鍾意生蠔，鮮甜爽口，三文魚就十分肥美。除左刺身頭盤仲有燒肉， 包括有美國牛&澳洲和牛， 當然唔少得豬肉& 雞啦！ 仲有好多食物可以追加， 例如澳洲和牛、和牛牛肋肉、美國牛里脊肉、豬肉、雞肉&海鮮等等。 我就比較喜歡澳洲和牛系列，肉味香濃，入口鬆化，梗係要encore 再encore ! 炸物就要必叫大蝦天婦羅&榴槤炸彈，榴槤炸彈外脆內軟， 香滑榴蓉。其實已經好飽，太多種類了， yummy 😋, 不過都要留位食雪糕，總結一下， 食物可以講得包羅萬有， 環境舒適，價錢合理，性價比高，今日真係大滿足，值得Encore !