新東記火鍋店 (已搬遷) 新店位置

開始涼啦！又係時候打邊爐啦！當然要去新東記啦！點解？因為我由讀書時代就已經係加拿大新東記食，食到返黎香港！其實以我所知，香港新東記係本店，跟住開去新加坡同溫哥華。我今次就約埋班同事黎食，當然必食好味既肥牛！我都唔明，點解新東記既牛係同出面唔同？十完都非常淋，而且好有牛味！總之食完之後係出面食唔返！今年新東記有新野！大閘蟹！OMG! 我最愛！仲要陽澄湖空運到港！ 又係唔同d，平時出面食太湖個d都好味！但今次食正宗陽澄湖堅唔同！係鮮甜味，點唔點醋都好鮮甜！而且d膏好正！粘口，食完個d膏既味道仲徘徊係口腔到！非常之正！而且佢地仲自制蟹醋，個醋又係不得了，甜度適中！唔似得出面既醋甜得濟，或者唔夠味！其中一位同事係上海人，佢話同佢地上海人自制蟹醋有得輝！食完仲有薑茶，果然係30年老店，連細節都非常注重！難怪要一星期前訂位😅今次介紹同事黎，d同事都讚好！佢地已經攞曬咭片！準備下次再黎！