影片
更多
2023-02-19
36 浏览
最近天氣忽然急降⬇️ 當然又係打邊爐嘅好時節🤩今日再次拜訪🐮牛大人台灣火鍋吃到飽 全因CP值爆燈💡 嘆足120分鐘 真正任點任食 吃到飽😋 今次點咗鴛鴦鍋 ❣️牛夫人秘方麻辣鍋（小辣）🌶️ ➕ ❣️阿嬤養生濃湯鍋 極上和牛吃到飽套餐（$328） 店員遞上赤紅色嘅麻辣鍋時 麻香撲鼻 加上🌶️辛香味濃 令人垂涎欲滴🤤 阿嬤養生濃湯鍋 清甜又滋補 任何年紀都咁啱惠顧呢個套餐每位更獲贈🇦🇺澳洲和牛牛丸（2粒） 每粒牛丸均富有濃厚嘅牛肉味😋 而且非常爽口彈牙 味道滿載驚喜🌈嚟到牛大人絕對可以滿足一眾牛魔王 皆因肉類選擇夠曬多😍 🐮牛肉嘅話，我特別推薦 ❣️澳洲🇦🇺和牛🐮 M5 牛肩卷： 呢款屬我個人💕私心推介 ✔️必點之選 切得薄身嘅牛肩卷 脂肪分布夠平均 肉質鮮嫩夠Juicy 食到停唔到口😋❣️手切封門柳： 厚薄適中 牛味濃郁 肉質腍軟但不失嚼勁 口感豐富 鍾意食牛嘅朋友千祈唔好錯過😍❣️安格斯牛小排 薄薄一片 脂肪分布較平均 而且肉質腍軟 吸收咗🌶️麻辣湯之後 味道豐富有層次 讚👍❣️安格斯一口牛肉粒 切得細細粒 牛肉味道香濃 充滿嚼勁 ❣️ 牛胸爽 唔好見佢白白色一大片 就以為平平無奇 原來口感非常爽彈 吸
今日再次拜訪🐮牛大人台灣火鍋吃到飽 全因CP值爆燈💡 嘆足120分鐘 真正任點任食 吃到飽😋
今次點咗鴛鴦鍋 ❣️牛夫人秘方麻辣鍋（小辣）🌶️ ➕ ❣️阿嬤養生濃湯鍋 極上和牛吃到飽套餐（$328） 店員遞上赤紅色嘅麻辣鍋時 麻香撲鼻 加上🌶️辛香味濃 令人垂涎欲滴🤤 阿嬤養生濃湯鍋 清甜又滋補 任何年紀都咁啱
惠顧呢個套餐每位更獲贈🇦🇺澳洲和牛牛丸（2粒） 每粒牛丸均富有濃厚嘅牛肉味😋 而且非常爽口彈牙 味道滿載驚喜🌈嚟到牛大人絕對可以滿足一眾牛魔王 皆因肉類選擇夠曬多😍 🐮牛肉嘅話，我特別推薦 ❣️澳洲🇦🇺和牛🐮 M5 牛肩卷： 呢款屬我個人💕私心推介 ✔️必點之選 切得薄身嘅牛肩卷 脂肪分布夠平均 肉質鮮嫩夠Juicy 食到停唔到口😋
❣️手切封門柳： 厚薄適中 牛味濃郁 肉質腍軟但不失嚼勁 口感豐富 鍾意食牛嘅朋友千祈唔好錯過😍
❣️安格斯牛小排 薄薄一片 脂肪分布較平均 而且肉質腍軟 吸收咗🌶️麻辣湯之後 味道豐富有層次 讚👍
❣️安格斯一口牛肉粒 切得細細粒 牛肉味道香濃 充滿嚼勁 ❣️ 牛胸爽 唔好見佢白白色一大片 就以為平平無奇 原來口感非常爽彈 吸收咗湯底之後 味道更豐富 好有驚喜 絕對值得一試
❣️SRF美國🇺🇸黑牛後腿肉 大大片 食落啖啖肉 由於脂肪較少 比較有嚼勁 屬鍾意食肉嘅朋友必點之選
另外仲有 ❣️鬼馬老油條： 香脆可口 不油不膩 必點之選 台灣地道食材方面真係做得幾出色 有新加入嘅❣️福建燕餃： 以肉及地瓜粉打造嘅燕皮造得細薄精緻 加入手打嘅肉餡 口感嫩滑 出奇好味😋 必食！❣️台式蝦餃 細細長長嘅蝦餃 包裹住滿滿嘅新鮮蝦肉🦐 別有一番風味 推介✨ 另外仲有❣️瓜仔雞水餃🥟
❣️私房鴨血（辣）🌶️： 每逢點鴨血就可以知道食材夠唔夠正宗 呢個鴨血真心鮮嫩彈牙 口感滑溜 值得推介💕 ❣️豐原排骨酥： 賣相雖然普通 不過有質素保證 ☺️ 吸收咗湯底之後特別惹味 肉質仲能夠保持嫩滑添 ❣️澎湖花枝漿 ❣️黑松露海鮮漿 ❣️手打旗魚漿： 同樣爽滑彈牙夠新鮮 口感一流🤩 必試✅ ❣️牛媽秘製滷牛肚： 牛肚炆得入味 爽口亦夠腍身 我自己就好鍾意食😉海鮮方面選擇唔算多 勝在每款都夠新鮮： ❣️新鮮沙白、❣️鮮甜海蝦🦐、❣️脆肉鯇魚片、❣️美人花膠，
特別推介台灣地道食材❣️真台灣鯛魚片俾大家，肉質鮮甜嫩滑，必點✅
醬料區乾淨俐落、擺放清晰，選擇眾多
自助食品區： 擺放咗大量蔬菜🥬🥕🌽、菇菌、瓜類、冰豆腐、蕃茄🍅等食材，應有盡有，真係花多眼亂🤣飲品方面除咗有大量汽水🥤、台式飲品選擇 仲有一系列牛大人自家製冷泡茶🍵
最後仲送上MÖVENPICK雪糕🍦/台式仙草芋圓 唔好睇燒仙草細細碗 佢用料十足 口感煙韌 味道正宗 甜甜嘅味道仲有助中和麻辣🌶️ 😋
用餐期間 店員亦非常殷勤主動加湯 整體用餐體驗非常滿意
张贴
