影片
更多
2019-09-14
1425 浏览
去左十幾人歐洲，真係好掛住香港美食。今日一落機，夜晚就約左朋友食中餐🤤😆本身想去東薈城新翼食，但果度啲人真係多到好恐怖，排隊食野起碼都要一兩個鐘。😞所以最後决定去東薈城另一面搵下野食。好好彩滿樂潮州唔使等位就入得🥰之前都同男朋友嚟食過一兩次，覺得佢哋啲食物都唔錯。餐廳面積都算幾大。✨滷水鵝拼盤 $128(小）滷水汁味道好正，鵝肉入味，係我食過最好味嘅滷水鵝🧡拼盤仲有豆腐、魷魚，魷魚好易咬開，唔韌。✨梅菜扣肉 $98扣肉炆到超冧🤤🤤🤤入口啲肥膏溶化，食落唔膩。梅菜送飯一流👍🏻✨煎蠔餅 $78（小）蠔餅邊唔算煎到好脆，但蠔仔份量都算多，唔會淨係食到啲粉，每一啖都會有蠔仔。總體來講，欣賞餐廳食物有分細份同正常size ，細份價錢亦都會平啲。我地兩個女仔食，叫細份都唔會唔夠食，仲可以試多樣菜式。❤️❤️❤️
今日一落機，夜晚就約左朋友食中餐🤤😆
本身想去東薈城新翼食，但果度啲人真係多到好恐怖，排隊食野起碼都要一兩個鐘。😞
所以最後决定去東薈城另一面搵下野食。
好好彩滿樂潮州唔使等位就入得🥰
之前都同男朋友嚟食過一兩次，覺得佢哋啲食物都唔錯。
餐廳面積都算幾大。
✨滷水鵝拼盤 $128(小）
滷水汁味道好正，鵝肉入味，係我食過最好味嘅滷水鵝🧡
拼盤仲有豆腐、魷魚，魷魚好易咬開，唔韌。
✨梅菜扣肉 $98
扣肉炆到超冧🤤🤤🤤
入口啲肥膏溶化，食落唔膩。
梅菜送飯一流👍🏻
✨煎蠔餅 $78（小）
蠔餅邊唔算煎到好脆，但蠔仔份量都算多，唔會淨係食到啲粉，每一啖都會有蠔仔。
總體來講，欣賞餐廳食物有分細份同正常size
，細份價錢亦都會平啲。我地兩個女仔食，叫細份都唔會唔夠食，仲可以試多樣菜式。❤️❤️❤️
张贴
