麗香園冰室 (興華廣場) (已結業)

今日放工去左接朋友放工，之後一齊食飯，見呢到有好多人，就入左去。我叫左個鐵板雜扒配薯菜蒜蓉汁，有哂牛扒雞扒豬扒腸仔及煙肉，真係好好豐富。雜扒好大份，大份到連鐵板都唔夠裝，要疊起放。而扒亦整得好好，特別係豬扒，醃得好腍但質感又保持到結實，好味。蒜蓉汁雖然唔係好濃味，但食得出係真材實料，蒜蓉味道都好出。 呢個老火湯味道唔算好濃，但好香，而且飲得出真係唔係味精水，以餐湯黎講絕對係極高質。 見到有人食海南雞飯，搞到我地都想食，所以叫左個淡淡無骨海南雞配油飯，呢個無骨海南雞，可以大大啖咁食好正，但最正既係海南雞煮得好滑。一般既海南雞已經算滑，但呢度既比一般既更加滑，特別係雞皮，食落直頭好似食緊啫喱咁，加埋醬汁既香濃同油飯既油香，食多幾碗都仲得。 西多士真係茶餐廳必食，炸到香脆既外皮加埋入面軟熟既麫包，再配埋香濃既花生醬同煉奶，簡直係絕配。 呢個芒果爆珠配泡茶概念好得意，泡茶既甘味同芒果爆珠既酸甜又意外地夾，加埋少少既桂花味，又清香又刺激。不過有個小tips，就係最好過一陣先開始飲，因為要等茶包既茶味出左先，如果唔係味道會比較淡。呢個設計好細心，咁大家就可以搵到需要嘅嘢！