影片
更多
2023-04-19
167 浏览
又來到一個月任食一次嘅大好機會！今日嚟到大喜屋核下嘅殿堂級！👍🏻刺身刺身嘅種類頗多，而且切得大方，件件厚切！放題比較少見嘅深海池魚、日本直送拖羅、松葉蟹腳呢度都包含埋，深海池魚有魚味但不腥口，拖羅未算入口即溶嘅Level，但筋位唔多，入口軟柔；蟹腳絕對係今日嘅MVP，食落淡淡海水嘅鹹香，蘊藏嘅蟹肉嘅份量都幾多、三文魚更食落更加有啖啖肉口感。除咗刺身之外，燒物、炸物、一品料理都係必點：炸物的芝麻雞翼、香芋丸、芝士年糕均炸得金黃香脆，皮脆內嫩有汁；鮑魚拖羅蓉海膽杯不填胃，但卻品嚐到奢華又新鮮嘅味道！餐廳更加提供花膠，鮑魚相關嘅菜式，果真物超所值。小編叫左份花雕鮑魚，雖然份量細隻，但係酒味香濃，鮑魚彈牙。鮑魚雞粥未見鮑魚，但係食落都幾綿密！👍🏻自助吧自助區域少不了有冰鎮海鮮：大蝦、青口同樣新鮮，絕對可以滿足鍾意海鮮嘅粉絲，另一邊廂亦都放滿住煎炸嘅小食，日式餃子、炸雞保持住熱辣辣又香脆嘅狀態。仲有東風螺、麻辣小龍蝦、清蒸海魚呢啲係一般放題都好少見到(´▽｀)最後唔少得小編最愛嘅甜品櫃，款式都幾多：巴斯克芝士蛋糕、布丁燒、乳酪、布甸、奶凍，味道不過不失更加有自助雪糕同埋夾糖區，而杯裝雪糕方面亦都
👍🏻刺身
刺身嘅種類頗多，而且切得大方，件件厚切！放題比較少見嘅深海池魚、日本直送拖羅、松葉蟹腳呢度都包含埋，深海池魚有魚味但不腥口，拖羅未算入口即溶嘅Level，但筋位唔多，入口軟柔；蟹腳絕對係今日嘅MVP，食落淡淡海水嘅鹹香，蘊藏嘅蟹肉嘅份量都幾多、三文魚更食落更加有啖啖肉口感。
除咗刺身之外，燒物、炸物、一品料理都係必點：炸物的芝麻雞翼、香芋丸、芝士年糕均炸得金黃香脆，皮脆內嫩有汁；鮑魚拖羅蓉海膽杯不填胃，但卻品嚐到奢華又新鮮嘅味道！餐廳更加提供花膠，鮑魚相關嘅菜式，果真物超所值。小編叫左份花雕鮑魚，雖然份量細隻，但係酒味香濃，鮑魚彈牙。鮑魚雞粥未見鮑魚，但係食落都幾綿密！
👍🏻自助吧
自助區域少不了有冰鎮海鮮：大蝦、青口同樣新鮮，絕對可以滿足鍾意海鮮嘅粉絲，另一邊廂亦都放滿住煎炸嘅小食，日式餃子、炸雞保持住熱辣辣又香脆嘅狀態。仲有東風螺、麻辣小龍蝦、清蒸海魚呢啲係一般放題都好少見到(´▽｀)最後唔少得小編最愛嘅甜品櫃，款式都幾多：巴斯克芝士蛋糕、布丁燒、乳酪、布甸、奶凍，味道不過不失更加有自助雪糕同埋夾糖區，而杯裝雪糕方面亦都提供Movenpick，哈根大師，仲有一款來自歐洲嘅雙層脆皮雪條，大家一定要留住個胃！
除此之外，餐廳有一條隊專門拎海膽，日本直送皇帝蟹棒手卷，橘黃色的海膽，食落甘甜 ，即叫即包，連同紫菜嘅爽脆一啖食落去，令人回味 ，小編都排咗好幾次隊㗎(*¯︶¯*)
👍🏻飲品
對比起一般嘅放題，呢度嘅飲品選擇可以話係更勝一籌。基本嘅基本嘅Soft drink都好齊全，甚至有埋酒精類同手搖飲品。
💡小編食飯當晚為平日晚上，餐廳嘅人流不絕，但上菜速度都算快，不過有少量漏單嘅情況。
张贴
