朱敏記桑拿菜 (已結業)

上次嚟過呢度覺得啲嘢食幾好味又有鑊氣, 今次又再嚟試下新野。


我哋呢班朋友都係魚控，今次推介呢個朱敏記生態魚頭王。 其實本身食魚頭都好有益 ,容易消化吸收同埋少脂肪，不過自己屋企真係好難處理，同埋買到好食嘅魚頭。

呢個魚頭嘅份量都好大, 雖然係魚頭係都有好多肉好滑，魚雲部份最正，肥美嫩滑，充滿咗膠質, 而且索滿晒醬汁嘅味道，加上大量嘅蔥真係勁香,呢個魚一啲都唔腥。

特別係佢有配一啲酥餅, 點埋個汁非常好味, 個汁撈白飯都係一流。