眾志堂

营业中

休息中

係香港食個有包有粉面既早餐最少都三十蚊，但係眾志堂，只需要二十蚊就可以食到一份份量十足既早餐，絕對係學生既福音！番茄通粉 ＋ 火腿蘑菇奄列 ＋ 方包 ＋熱飲 ＄20  呢款早餐係我既至愛，大大碗既番茄湯通粉，仲有火腿絲係上面，誠意十足！（雖然佢話係鮮茄，但唔見得有幾新鮮，但係成個餐＄20，你想佢比到鮮茄你，你都應該唔敢食。）至於奄列，同樣係大大份，有火腿同埋蘑菇，絕對落足料！每一次食完呢個早餐，都一定飽到下午茶，絕對係價廉物美之選！