大將 (已結業)

疫情關係冇得去日本真係好痛苦，不過好彩喺香港都可以搵到日本嘅味道💗🌸今次同大家推介嘅係位於將軍澳pop corn商場嘅依間日式火鍋放題，叫做大將🥳 首先餐廳地理位置好方便，一上地鐵站唔使出地面就可以直達商場，就算夏天或者落雨都唔驚✌🏻 重點係呢度嘅放題火鍋超級抵食，而且質素絕對唔會hea❣️一入到嚟職員嘅態度超級熱情，仲同我哋講嘅每一個套餐嘅分別，今次我哋嚟食晚市，原來晏晝仲抵食，下次可以再離😆我哋叫咗一個日本黑毛和牛放題，牛肉仲可以任加任添，超級抵食🌸 和牛入口即溶，脂肪同埋浴室嘅比例啱啱好，絕對係必食推介，超香牛味！最抵食嘅係依度仲可以任食蔬菜、蘿蔔、芝心丸等等嘅配菜，我哋今日嚟嘅時候仲有炸雞、日本甜薯等等嘅熟食，每一樣食物味道都好鮮甜高質🎈仲有雪糕同埋嘢飲都係任飲，性價比極高！