每次經過嘉芙中心點都會望到，但從來都未諗過會去食，而今次去呢間係因為俾佢嘅壺漬牛粒吸引到。呢間燒肉店裝修好有日本風，門口擺咗好多日本清酒，座位唔窄。一坐低就即刻點牛肉黎燒，牛肉款式好多，但係最吸引我嘅都係壺漬牛粒，見到呢個名幾新奇，原本以為應該食落去冇乜特別啦，但點知燒完出嚟個味道係意想不到！！
呢個牛粒佢燒完唔係成舊柴一樣咁硬，燒起嗰陣時㩒落去仲係軟林林,大約燒到七成左右係最岩品嘗舊肉，當我咬嗰舊肉時，啲肉汁就會喺你個口到爆出黎。
其他整體上都唔錯，海鮮方面都新鮮，但最值得食都係肉類。另外呢度嘅酒精飲品係要額外俾錢。
呢間我係會返轉頭再食，因為佢個牛粒真係好好味。
2
