富寶會所私房菜

营业中

休息中

今日約咗朋友食飯，諗住近近哋屋企附近食，朋友提議食富寶會所私房菜。餐廳環境舒適又高檔，仲有麻雀檯供娛樂用途，如果慶祝生日仲可以聯絡餐廳自訂語句展示於餐廳大型屏幕比親友驚喜。西蘭花蝦球花枝片食材新鮮，蝦肉好嫩滑，蝦球花枝片同西蘭花嘅組合好夾，蝦球花枝片令西蘭花更鮮甜，花枝片爽口彈牙，唔會太油膩。呢間餐廳仲有海鮮食，但最好提前預訂。招牌炸子雞，用咗新鮮炸蝦餅做擺盤，啱啱炸出嚟嘅炸子雞皮係呈現一層薄薄嘅酥脆質地，炸得啱啱好，雞皮又薄又香脆，而且唔會太油膩。雞肉肥瘦適中，一啖落去，雞皮即刻爆開，雞肉質好嫩好juicy，份量仲十分滿足！