黑布小巷 (億利工業中心)

营业中

休息中

餐厅环境光猛阔落，但枱与枱距离略嫌迫狭。用餐时间系平日晚上六点，入座率接近九成，估唔到平日夜晚都咁多人。餐厅用QR码落单，落单后要先付款后才上菜。- 台式肉蛋芝士吐司⁵⁶吐司馅料份量十足。吐司烘得微浓香脆，夹住海量嘅芝士、蛋味浓郁嘅半熟流心蛋，嫩滑多汁嘅美国谷饲猪扒，一路食一路滴汁超好食，难怪系餐厅招牌菜。大推！- 古早味手工卤肉饭⁴⁸卤肉份量好多，直头舖满晒饭面。卤肉粒肥瘦适中，肉质腍嫩入味，再配上香滑软绵珍珠米，口感丰富。- 花枝丸³⁸花枝丸炸得金黄香脆，配上自选淮盐，咬落爽口弹牙，每啖都有花枝粒，够真材实料！- 自家煲制冬瓜茶²²自家制冬瓜茶用上台湾空运冬瓜砖，甜度适中，大热天时清暑一流。