小漁村烤魚火鍋 (已結業)

好耐冇食烤魚，今次朋友帶路黎左間可以任食烤魚既火鍋店，環境唔算好大但坐得都好舒服！店員服務都好好💓一開始店員會上左個海鮮拼盤先，按人頭比係冇得refill，海鮮有幾多選擇，用了蒜茸調味好惹味，鮮味十足烤魚湯底有辣有不辣，今次揀左金湯酸菜烤魚，酸菜份量好多成個湯酸酸甜甜好惹味，魚大大條都好厚肉，最欣賞係唔會有好多骨，啖啖肉大滿足🤤之後就可以用番個湯打邊爐🍲自己就叫左啲牛肉黎食，牛肉質素都好好，吸收湯底既精華好滋味，要試下！