吉列牛忌廉烏冬專門店 (百樂中心) (已結業)

今日同朋友過咗嚟銅鑼灣度行街，我哋行到去時代廣場嘅時候周圍搵嘢食，上網俾我哋搵到依間人氣好高嘅餐廳，就係吉列牛專門店，上網見到攞咗好多獎，於是心思思過嚟試吓，估唔到真係幾高質，有意外嘅驚喜😆👍🏻雖然係疫情關係，但係餐廳嘅衛生都做到好足，有齊隔板，咁就可以放心食啦😚我哋梗係嗌啲人氣高嘅主打食物啦！於是我哋就第一時間叫咗一個忌廉咖喱烏冬一嚟到賣相已經好吸引，超級濃厚嘅忌廉底下擺滿左好香嘅咖喱烏冬，賣相好吸引，裏面仲有好多菇同埋雞肉，用料十足，而且將忌廉加落咖喱裏邊， 令到烏冬嘅口感更加軟滑💗超級有層次啊！另外我哋叫咗一個吉列牛套餐，吉列牛肉質好鮮嫩，而且可以自己控制幾多成熟，仲可以一路享受一路燒一路食嘅過程添😛