八沢 (霎東街) (已結業)

八沢 📍銅鑼灣霎東街7號地下7號舖🕖星期一至日 12:00-21:00👉🏻 黑松露忌廉海鮮烏冬 $98🍽: 8/10每次黎我都必嗌嘅忌廉烏冬👍🏻有好多黑松露 可惜黑松露嘅味道都唔算好岀😕 烏冬用嘅係稻庭烏冬 非常滑而又唔會煮得過淋 忌廉湯底好creamy 雖然湯底嘅質地唔係稠身 不過濃濃嘅忌廉味依然冇減😻仲有大大粒帶子同埋三文魚亦都唔會好鞋~ 細妹就比較鐘意杰身少少嘅湯汁 會濃啲 同埋如果啲海鮮加翻多啲調味就好啦🤣👉🏻黑蒜油灸燒叉燒拉麵 $78🍽: 6.5/10黑蒜油湯底都幾濃🥰 但就有少少單調🥸 拉麵係用咗曲麵 軟硬適中 叉燒燒得好香 仲好重豬油味😻 肥嘅部分入口即化 肉嘅部分亦唔會好鞋 不過整體嚟講除咗叉燒外就唔算大驚喜😛 以呢個價錢嚟講 喺銅鑼灣都抵嘅～ 但我都係鐘意食拉麵專門店多啲啦😋 🔬: 八沢對家姐嚟講係回頭率好高嘅餐廳😻 因為家姐真係好鍾意食任何忌廉嘅嘢~ 如果大家都鍾意食忌廉汁真係好推介去試下!! 仲要銅鑼灣呢個價錢 包一杯桂花蜜 真係好抵~👍🏻 不過水準就有啲不穩定 因為之前係筲箕灣食黑蒜油拉麵好好食😋但係呢次喺銅鑼灣黑蒜油拉麵湯底就有啲偏甜😋總評分: 7/10Ins