花月宮 (已結業)

天氣凍，最好就係打邊爐😍知道金巴利道最近新開咗呢間火鍋店，裝演主要以花及木為主調，氣派典雅，感覺舒服👐🏻🌸花月宮特色四格火鍋 $268分別有四川麻辣鍋、黑松露野菌鍋、蕃茄濃湯海鮮鍋及藥膳花雕花膠醉雞鍋，每一格嘅湯底都真材實料，超豐富，真係好吸引呀，必食之選，大推❗️特別係個藥膳花雕花膠醉雞鍋真心要讚下，湯滾後，將雞件及花膠放入湯底，再一次滾起後就可以食啦🤤雞件好香花雕味，又嫩滑，花膠都係靚嘢，滿口骨膠原，而湯底飲落都好香藥材味及花雕味，飲完暖笠笠，超正🥩美國手切封門柳 $238賣相吸引，擺碟有心思！仲非常貼心咁有個牌仔提示淥20秒就可以食，食落牛味好香濃，口感嫩滑，個人覺得配麻辣湯底最夾，超好食🌽田園拼盤 $68分別有娃娃菜、粟米、蕃茄仔、南瓜、生菜、皇帝菜及蟲草花，份量都幾多，兩個人食剛剛好，啲蔬菜食落都好新鮮，原來蔬菜同個黑松露野菌鍋都幾夾，食落好香！咩都有啲，呢個拼盤都幾好🥟重慶辣子雞肉餃 $68餃子錎料好豐富，非常飽滿，食落微辣，口感彈牙🍻飲品有幾款自家製飲品，不過我地都係叫返🍺啤酒同汽水🍯醬料費 pp $18整體嚟講，環境好舒服，食物種類選擇多，而且都好高質，下次可以再enco