吉列牛忌廉烏冬專門店 (百樂中心) (已結業)

今次呢個係要食自己燒系列🔥結果出乎意料嘅好食！約咗朋友，點知朋友無端端放咗飛機，不過難得出咗銅鑼灣就梗係要搵吓好嘢食啦☺️一個人嘅浪漫就係食乜都得，但係又想食得舒服啲坐得舒服啲！最後就揀咗呢間”吉列牛忌廉烏冬專門店”位置喺time Square後面，都算好方面👍🏻一入到去諗都唔使諗一定係食佢哋嘅吉列牛定食啦！！成個定食都只係$148絕對係非常抵食上枱嘅時候就已經成個感覺好精緻，而且好吸引。因為佢嘅牛肉側邊已經有吉列，而且完全自己控制火候！仲有飯同麵豉湯👍🏻牛肉我比較鍾意5成熟，所以自己燒嘅話可以簡單控制。牛肉嘅肉質口感都係上等食材☺️食得好過癮！