滷友記 (加路連山道) (已結業)

同事lunch time 帶左我去加路連山道既滷友記，店外人頭湧湧😱，完全係等外賣既人，好彩等左大概10分鐘就有位👏🏻～台灣啤酒～去台灣必飲嘅台灣啤酒，太耐冇去台灣🥲🥲一飲返台灣嘅啤酒即刻好似去咗台灣咁呀！💖～滷水牛三寶麵 ～滷水牛滷得好入味👍🏻唔會太鹹，啲滷水汁較得幾好🙌🏻🙌🏻麵質好彈牙爽口，個湯帶有滷水同牛既味道，好香呀😚～台式酥炸雞粒～不得不讚呢個酥炸雞粒🍗，鬆脆可口，食落卜卜脆，雞肉汁一咬即刻流岀嚟，唔會炸到乾哂，睇埋皮既色澤就知道唔係用萬年油💕～古法滷水金錢𦟌麵～金錢𦟌好爽口，咬落煙煙韌韌好好味呀😛滷水汁同樣都係濃郁但唔會過重味，非常好💯～滷水豆腐～滷水豆腐味道足夠😎，而且好完整無爛，係一磚磚靚既豆腐🫡～椒鹽炸貢丸～同事大推炸貢丸，椒鹽味好香，刺激住每一個舌上既味蕾👅，食過包你停唔到口🤭總括嚟講，餐廳同我地去台灣食既味道完全一樣，價錢都好相似😆，真係要過嚟銅鑼灣必食！