鼎王麻辣鍋 (金巴利道) (已結業)

最近聽朋友講尖沙咀開咗一間台灣比較出名的鼎王台式麻辣火鍋，見今日天氣開始涼涼地，就約埋兩三位好朋友試下！入到店內環境非常舒適，枱與枱之間都有空間不會有壓迫咁，店員服務非常有禮，主動介紹湯底同配料。我們最後選擇了鴛鴦鍋，一邊是酸菜一邊是麻辣，麻辣湯底入邊有鴨血同豆腐，食完可以再添加的，鴨血不是很多地方可以食到的，非常柔滑爽口，豆腐吸入濃湯非常惹味。特級牛肉🐂色澤紅潤新鮮，輕輕滾一滾已經食得，牛肉味濃，肉質嫩滑。豬腩肉🐷豬腩肉切得好薄卷好靚，脂肪適中，豬肉味濃郁而沒有雪藏味。手打蝦丸蝦肉非常新鮮彈牙，咬落食到一粒粒蝦肉，好味到食吾停口！蛋餃蛋皮好薄，好有口感，配小小醋一齊食非常開胃。