饞。台式食堂

营业中

休息中

去K11 Musea行街，未到食飯時間就開始肚餓😋一於搵嘢食🤤響B2層見到呢間台式嘅餐廳，見幾新淨又明亮，決定入去試下🥴叫咗花雕雞麵，原本都係諗住一般嘅醉雞味道，但係今次真係有啲喜出望外，佢原來係藥膳嘅花雕味，唔濃唔淡，恰如其分咁討好👍另外又叫咗塔香排骨，炸得好脆，肉味都算幾出，同碟嘅椰菜有啲似沙律，兩者平衡得好好😙小食花枝丸就不過不失，但係即叫即炸，好香口夠彈牙😁今日天氣好熱，叫咗杯朱古力沙冰，上面原來加咗奶蓋，好香嘅芝士奶蓋味，同濃濃嘅朱古力味混合嚟飲，原來係咁特別，呢杯飲品從未響其他食店試過，值得推介。