The Platter (悦品酒店‧荃灣)

营业中

休息中

最中意食自助餐，貪佢咩都有得食，但係有d地方都唔平，要儲下錢先。今次黎到the platter，佢係酒店入面，係地鐵站行一陣就到。平日佢有半自助餐，假日就係full buffet，online book枱仲有75折，真係超抵食。當晚有既野食包括凍蟹腳、凍蝦、螺、青口，又有d cold cut同salad bar。如果想食熱野，都有蒸海鮮，又有好多熱盤。我最中意就金莎蝦，鹹蛋黃勁正，蝦殼係脆卜卜好好食，三文魚骹都好香好滑，仲有蟲草螺湯，勁足料，我飲左3碗。仲有刺身區同埋小食區，可以自制pancake！大家記得要三不五時出去睇下鐵板燒，當日有即燒和牛！！！！！仲有羊架，勁正，廚師燒得剛剛好五成左右，真心食呢個都回本。去到咁上下職員會響鐘，竟然有火焰雪山，omg，好特別啊，會即場淋火表演。最後當然要食甜品，仲有haagen dazs任食，勁滿足！