影片
更多
2015-11-29
477 浏览
今日又戚起條筋想食泰國菜，去到九龍城，決定食間未食過既。行行下，見到呢間泰風情門口好多人，一定係好野黎，於是行快兩步去等位。入到去，原來餐廳有兩層。午飯時間，地下已經坐滿人，店員安排我地去二樓坐，見到D大象擺設、佛像掛畫都好有泰國風情，即刻食慾大增！我向來唔食得辣，但同時又覺得辣好惹味，於是每次都流住鼻水食。呢個燒豬頸肉沙律($78)，餐牌顯示係一隻辣椒，好，我就挑戰你！上枱，一睇賣相就覺得惹味，廚師用左好多辣椒、乾葱黎炒，香噴噴，令軟腍既豬頸肉增添刺激度，夾埋生菜黎食，雖然已經中和左辣味，但我一樣食到流鼻水。唔緊要，好食就得，食得辣既朋友，呢個必食！泰式燒大頭蝦(三隻，$98)，廚師響蝦頭位置加入左大量蒜蓉，蝦膏加埋蒜蓉黎食，香上加香，而家寫緊稿諗起都流口水；蝦身就可以點旁邊既泰式酸汁食，蝦肉爽口，good!最後係新品「南瓜咖喱軟殼蟹」($148/$198)，軟殼蟹炸得香脆，啖啖肉，唔油膩；南瓜甜甜既味道，同泰式咖喱簡直係絕配，我地叫左客薄餅($28)黎送，食到lam lam li；食到尾，索性將整個南瓜既肉刮晒落黎，撈埋咖喱食，正到無倫，呢個又係必食！
今日又戚起條筋想食泰國菜，去到九龍城，決定食間未食過既。行行下，見到呢間泰風情門口好多人，一定係好野黎，於是行快兩步去等位。
入到去，原來餐廳有兩層。午飯時間，地下已經坐滿人，店員安排我地去二樓坐，見到D大象擺設、佛像掛畫都好有泰國風情，即刻食慾大增！
我向來唔食得辣，但同時又覺得辣好惹味，於是每次都流住鼻水食。呢個燒豬頸肉沙律($78)，餐牌顯示係一隻辣椒，好，我就挑戰你！上枱，一睇賣相就覺得惹味，廚師用左好多辣椒、乾葱黎炒，香噴噴，令軟腍既豬頸肉增添刺激度，夾埋生菜黎食，雖然已經中和左辣味，但我一樣食到流鼻水。唔緊要，好食就得，食得辣既朋友，呢個必食！
泰式燒大頭蝦(三隻，$98)，廚師響蝦頭位置加入左大量蒜蓉，蝦膏加埋蒜蓉黎食，香上加香，而家寫緊稿諗起都流口水；蝦身就可以點旁邊既泰式酸汁食，蝦肉爽口，good!
最後係新品「南瓜咖喱軟殼蟹」($148/$198)，軟殼蟹炸得香脆，啖啖肉，唔油膩；南瓜甜甜既味道，同泰式咖喱簡直係絕配，我地叫左客薄餅($28)黎送，食到lam lam li；食到尾，索性將整個南瓜既肉刮晒落黎，撈埋咖喱食，正到無倫，呢個又係必食！张贴
