英記巷仔雲吞麵

营业中

休息中

以前經過，完全無留意，睇咗網上食評介紹，專登去試。雲吞麵湯底鮮甜，但略為淡味，不過點都好過太鹹無得救。雲吞用半蝦半豬肉，大小適中。麵無梘水味，少少爽口彈牙，淥少一點時間可能好D。47蚊套餐碟菜都好大碟，不過杯凍檸茶就無乜茶味。六十年代懷舊撈麵豬油勁香，比湯麵更加好食，又大碟。侍應姐姐主動教放蘿蔔在撈麵中一起吃，但我都係鍾意唔放蘿蔔。地方雖細但都整潔。今日見到侍應、廚房全女班，有禮貌，同熟客有傾有講。