蕾

今日同朋友去旺角搵食，食咗一間我book咗好耐嘅日式餐廳，位於白布街，呢頭附近都有好多嘢食，呢一間門面已經好吸引。入到去我哋坐咗喺吧枱嗰度，店員好用心介紹食物同埋飲品。

2

蕾小碗 ($298)
我係為咗呢個丼飯而嚟㗎，上枱嗰陣勁隆重，店員仲會拎舊備長炭燒香啲牛肉，啲牛肉咬落去油脂濃郁，好正，三文魚子粒粒飽滿，配埋海膽勁鮮甜，真係必食！

鹽燒手羽 ($28)
燒得好脆，唔會過鹹，雞肉都好多汁，好食。

封門柳 ($78)
咬落去超腍，好有牛肉味，好Juicy，超正，超級推薦。

雞皮 ($28)
雞皮燒到脆卜卜，咬落去勁脆勁有口感

薯仔沙律 ($68)
份量都幾多，食到粒粒薯仔，不過覺得可以濃味少少，或者可以加多啲洋蔥嘅話就會更加豐富到個口感。

1

燒飯團 ($28)
原味嘅燒飯團，燒到外面好脆，食到飯焦嘅香味，不過味道就冇乜特別。

呢間餐廳嘅嘢食真係好高質，種類又多，所有員工都好Nice，好樂意為我哋服務同埋介紹食物，而且佢地餐廳係用備長炭燒嘅，燒出嚟嘅食物別有一番風味，又健康又可以鎖住肉汁。