酒燒弄 (已結業)

公司附近新開呢間串燒店，座位唔算好多，夜晚都幾多人。叫左幾款串燒，定價唔算貴。厚切牛舌心好爽口！簡單調味咁燒已經好惹味。燒雞翼燒到好乾身，好香脆！必食黑豚五花腩！燒到D邊帶點焦脆，咬落啖啖油香！好肥美。😋芝士年糕燒到脹卜卜，用紫菜包住食，入面芝士流心，外酥內軟，好煙韌！烤和牛五花配稻庭烏冬抵食set！牛肉幾Juicy，燒到好香。估唔到烏冬都有驚喜，湯底係自家製醬油湯底，仲有冬菇同木魚。烏冬唔係平時食既咁粗，較幼，食落更有口感，似上海麵。埋單三百零蚊，唔使加一！！！呢到通風做得幾好，平時食呢類既餐廳D衫同頭髮都吸哂味，呢到完全無味！贊！